உடலின் சிதிலம் - மேக்ஸ் ரித்வா

 

இன்று நான் என் உடலிலிருந்து எழுந்தேன்

இனி நான் அந்த உடலாக இருக்கப் போவதில்லை.

 

அது என் நாயை விட மேலானது –

மற்ற உறுப்புகளுக்கு ஒத்திசைவாக இருந்தது,

எனக்கு வெதுவெதுப்பைத் தந்தது

நான் அதை பொன்மீனாக நழுவவிட்ட போது

அல்லது வாட்டிய பொழுது,

 

ஆயினும் அது துளிகளாய்ச் சிந்துகிறது.

எளிமையான அமர்வாக, இருத்தலாக, திரும்புதலாக

கடந்த காலத்தைப் பெற முடியாது.

முழுமையாக இல்லாவிடினும்

லெளகீகத்தில் ஓரளவு தேர்ச்சி பெற்றிருந்தது.

 

அதனால் இது விடைபெற வேண்டிய தருணம் என்று

அர்த்தமல்ல.

 

பிரிவு தற்காலிகமானது என்பதை உணர்ந்தேன்

மேலும் என் சுய நலனுக்காக:

 

செங்கற்களாகவும் குச்சிகளாகவும் உலகை உடைக்கும்

என் உடலின் செயல்

உள்வயமாகத் திரும்பியது.

 

உலகின் அனைத்துக் கதவுகளும்

மிக அதிக வலுவாக வளர்வது போல்

ஒரு மிகப் பெரிய வெள்ளைப் படுக்கை

என் இதயத்தில் விரிக்கப்படுகிறது.

-/||||||||||||||||||||||\-